Duke shëtitur me familjen e tij në diell, kjo është mrekullia e futbollistit Christian Eriksen, i cili pësoi arrest kardiak në fushë, thuajse vdiq gjatë një ndeshje të “Euro 2020”, muajin e kaluar.
Mesfushori danez dhe babai i dy fëmijëve u pa në Kopenhagë duke shtyrë një karrocë fëmijësh, në një ditë të zakonshme, bashkë me të dashurën, Sabrina Kvist, djalin e tyre 3 vjeç dhe vajzën.
29-vjeçari doli nga spitali muajin e kaluar pas një operacioni të suksesshëm, ku vendosur defibrilator nënlëkuror. Miliona tifozë të futbollit, që po përcillnin ndeshjen Danimarkë-Finlandë, mbetën të shokuar nga kolapsi shëndetësor i yllit të Interit. Ndërhyrja e stafit mjekësor bëri të mundur që ai të kthehej në jetë.
Mjeku i ekipit të Danimarkës tha më vonë se në një moment "ai ishte i vdekur, pa rrahje të zemrës". Christian dhe Sabrina kanë jetuar në Itali gati dy vitet e fundit, ku mesfushori luajti për ngjyrat e Interit. Të premten, një zyrtar i FIGC tha se danezi mund të mos jetë në gjendje të luajë përsëri për zikaltrit, për shkak të protokollit të rreptë italian mbi pajisjet që stimulojnë punën e zemrës.
Francesco Braconaro, i komitetit tekniko-shkencor të Federatës Italiane të Futbollit, i tha “Radio Kiss Kiss”: "Situata e Christian Eriksen nuk është e qartë, nëse mund të luajë më në Itali. Nëse lojtarit i hiqet defibrilatori, çka konfirmon se patologjia është zgjidhur, atëherë mund të kthehet dhe të luajë për Interin".
Eriksen është pajisur me një ICD (defibrilator nënlëkuror) gjatë gjashtë ditëve të tij në spital pas arrestit kardiak, të cilin e mban akoma. Pajisja është e lidhur me zemrën e tij përmes telave dhe dërgon impulse elektrike për të korrigjuar ritmet e parregullta të organit jetësor.
Mjeku i ekipit danez, Morten Boesen, tha më 18 qershor, menjëherë pasi mesfushori i Interit u lirua nga spitali: "Kjo pajisje është e nevojshme pas një sulmi kardiak, për shkak të shqetësimeve të ritmit. Christian e ka pranuar zgjidhjen dhe plani është konfirmuar nga specialistë në shkallë vendi dhe ndërkombëtar, të cilët rekomandojnë të gjithë të njëjtin trajtim”.