Britania e Madhe është i vetmi vend evropian ku qytetarët konsumuan më shumë alkool gjatë sëmundjes pandemike Covid- 19 ndërsa Shqipëria ka regjistruar uljen më të madhe të konsumit të alkoolit, sipas një studimi të botuar nga gazeta «Daily Mail».

Studimi u përqendrua në konsumin e alkoolit në 21 vende të Kontinentit të Vjetër gjatë bllokimit dhe masave kufizuese të vendosura nga qeveritë për të ndaluar përhapjen e sëmundjes Covid-19, raporton noa.al.

Mbretëria e Bashkuar ishte i vetmi vend ku njerëzit filluan të pinin më shumë pasi filloi pandemia. Në të njëjtën kohë, Irlandezët dhe Gjermanët vazhduan të konsumonin të njëjtën sasi alkooli si para pandemisë.

Sondazhi i ekspertëve u krye në një mostër prej 32 mijë qytetarësh nga 21 vende evropiane. Pjesëmarrësve iu kërkua të përgjigjen në sasinë e alkoolit, të tilla si verë, birrë dhe pije të tjera alkoolike të konsumuara gjatë periudhës pandemike.

Shkencëtarët i dhanë secilit vend një rezultat që varion nga minus një në plus një, bazuar në mesataren për sa i përket konsumit të alkoolit. Sipas sondazhit, në Britani, konsumi mesatar i alkoolit gjatë pandemisë ishte 0,1 ndërsa për pjesën tjetër të Evropës, mesatarja ishte minus 0,14.

Shqiptarët dhe grekët konsumuan më pak alkool sesa pjesa tjetër e Evropës. Konkretisht, shqiptarët konsumuan mesatarisht më pak alkool me një rezultat prej -0,37, grekët shënuan minus 0,2 dhe finlandezët minus 0,19.

Studimi gjithashtu arriti në përfundimin se çmimi i përballueshëm i alkoolit nuk konsiderohet një faktor i rëndësishëm sepse të rriturit me të ardhura më të larta konsumuan më pak alkool sesa ata që nuk kishin një portofol më të mbushur.

Studimi Evropian mbi Alkoolin dhe sëmundjen Covid-19 u krye nga shkencëtarët në Universitetin e Teknologjisë në Dresden, Gjermani. /klea/noa.al

Foto: Getty Images