Të dhënat zyrtare të tregtisë së jashtme të mallrave për tremujorin e parë të 2021 në Shqipëri, tregojnë se janë rritur ndjeshëm raportet tregtare me Republikën Popullore të Kinës, raporton noa.al duke cituar të dhënat  zyrtare të Institutit Shqiptar të Statistikave (INSTAT).

Shqipëria është një vend që mbështetet shumë në tregtinë e jashtme, ndërsa deficiti tregtar në Mars 2021 arriti në 267,153,638 milion euro. Edhe pse disa tregues ndryshojnë nga një muaj në tjetrin, ose nga një kategori në tjetrën, tendenca e përgjithshme mbetet konstante me partnerët kryesorë tregtarë të vendit që janë Italia, Turqia dhe Kina. Ndërsa pritej, importet u rritën vazhdimisht dhe eksportet edhe më shumë.

Të dhënat tregojnë se importet nga Kina në tremujorin e parë të 2021 u rritën me 32% dhe eksportet shqiptare në Kinë në të njëjtën periudhë u rritën me 84%.

Bie në sy fakti se nga Kona po vijnë dhe produkte që më parë ishin të rralla, si ushqime, duhan dhe pije të ndryshme:

Në këtë rritje të eksporteve me 3.1%, krahasuar me janarin 2020, një kontribut pozitiv është dhënë nga grupet: Materiale ndërtimi dhe metale me + 4.2%; Ushqim, pije, duhan me + 2.2%; Makineri, pajisje pjesë këmbimi me + 1.3%.

Rritja e importeve me 8.4% është ndikuar kryesisht nga grupet: minerale, lëndë djegëse, energji elektrike me + 3.1%; Makineri, pajisje pjesë këmbimi me + 2.8%; Produkte kimike dhe plastike me + 2.3%.

Në janar 2021, vendet e tjera me të cilat Shqipëria ka pasur një rritje të eksporteve, krahasuar me një vit më parë janë: Italia (4.5%) dhe Greqia vetëm 1.3%. Por rritja me Kinën është në shifra rekord, plot 132.7%. Ndërsa, vendi me të cilin ka pasur një rënie të ndjeshme të eksporteve është Gjermania (25.8%).

Në të njëjtin muaj, vendet me të cilat Shqipëria ka pasur rritjen më të lartë të importeve, krahasuar me një vit më parë janë: Italia (13.1%) dhe Turqia (1.4%). Më lart janë sërish raportet me Kinën ku rritja e importit ka arritur në 18.6 për qind. Ndërsa vendet me të cilat ka pasur një rënie të importeve janë: Greqia (12,4%), Gjermania (0,5%) dhe SHBA. (6,6%).

Edhe për muajin shkurt ka vijuar i njëjti trend. Gjatë këtij muaji vlera e eksporteve me Kinën ishte 25 miliardë lekë, duke u ulur lehtë me 0.9% krahasuar me të njëjtën periudhë të mëparshme. Vlera e importeve ishte 52 miliardë lekë duke u rritur me 1% krahasuar me të njëjtën periudhë të vitit të kaluar dhe me 15% krahasuar me janarin 2021.

Në rënien e eksporteve me 0.9% në këtë muaj, një kontribut negativ dhanë grupet: Tekstile dhe këpucë me -7.6%; Ndërsa një kontribut pozitiv është dhënë nga grupet: Materiale ndërtimi dhe metale me + 4.9%; Ushqim, pije, duhan me +1.9%.

Rritja vjetore e importeve me 1%, në shkurt ka prekur kryesisht grupet: Makineri, pajisje pjesë këmbimi me + 4%; Produkt kimik dhe plastik me + 1.9%; Ndërsa, një kontribut negativ u dha nga grupet: minerale, lëndë djegëse, energji elektrike me -3.7% dhe tekstile dhe këpucë me -1.6% pikë.

Vendet me të cilat Shqipëria në shkurt ka pasur rritjen më të lartë të eksporteve janë Greqia (23.2%) dhe Kina (9.6%). Ndërsa, vendet me të cilat ka pasur një rënie të eksporteve janë: Italia (11.1%), Spanja (45.6%) dhe Gjermania (26.4%).

Në shkurt 2021, vendet me të cilat Shqipëria ka pasur rritjen më të lartë të importeve, krahasuar me shkurtin e vitit 2020 janë: Italia (7.2%), Turqia (11.6%) dhe Gjermania (12.8%). Ndërsa vendet me të cilat ka pasur një rënie të importeve janë: Greqia (4.2%), Polonia (4.3%) dhe Spanja (33.9%).

Në Mars vlera e eksporteve ishte 32 miliardë lekë, duke u rritur me 78.1% krahasuar me të njëjtën periudhë të vitit të kaluar. Vlera e importeve ishte 64 miliardë lekë, duke u rritur me 45.3% krahasuar me të njëjtën periudhë të vitit të kaluar.

Në këtë rritje vjetore të eksporteve me 78.1% një kontribut pozitiv u dha nga grupet: minerale, lëndë djegëse, energji elektrike "me + 26.6%; Tekstil dhe këpucë me +22.1%; Materiale ndërtimi dhe metale +20%.

Në rritjen vjetore të importeve me 45.3%, ka prekur kryesisht grupet: Makineri, pajisje pjesë këmbimi me + 15.4%; Produkte kimike dhe plastike me + 9,5%; Materiale ndërtimi dhe metale me + 7.1%.

Ecuria e tregtisë së mallrave nga vendet partnere me të cilat Shqipëria ka pasur rritjen më të lartë të eksporteve, krahasuar me marsin e vitit 2020 janë: Italia (83.7%) dhe Gjermania (85.5%). Ndërsa, vendet me të cilat ka pasur një rënie të eksporteve janë: Ukraina, Franca (44.7%) dhe Japonia (49%).

Rritja më e lartë e importeve, krahasuar me Marsin 2020 janë: Italia (63.4%), Turqia (118.5%) dhe Kina (95.6%). Ndërsa vendet me të cilat ka pasur një rënie të importeve janë: Gjermania (20.2%), Zvicra (23.3%) dhe Rusia (53.9%).

Veçori e marsit:

Duhet të theksohet në këtë analizë se shifrat e krahasimit midis marsit 2020 dhe marsit 2021 janë të mëdha për shkak të bllokimit total të Shqipërisë në mes të marsit të vitit 2020. Sidoqoftë, kërcimi në përqindje është ende i konsiderueshëm edhe pa ndryshim sa i përket bllokimit prej pandemisë. Në të vërtetë, importet u rritën me 24.3% krahasuar me mesataren mujore për periudhën mars 2018-2020, dhe eksportet u rritën me 30.9% krahasuar me mesataren mujore për periudhën mars 2018-2020.

Pasqyra e tremujorit

Në tre muajt e parë të vitit 2021, vendet me të cilat Shqipëria ka pasur rritjen më të lartë të importeve, krahasuar me të njëjtën periudhë të vitit 2020 janë: Italia (27.2%), Turqia (36.9%) dhe Kina (32%). Ndërsa, vendet me të cilat ka pasur një rënie të importeve janë: Gjermania (5.4%), Zvicra (11.9%) dhe Rusia (51.7%).

Eksportet gjatë tre muajve të parë të vitit 2021 janë rritur me 21.9% krahasuar me të njëjtën periudhë të vitit të kaluar. Në tre muajt e parë të vitit 2021, importet janë rritur me 17.5% krahasuar me të njëjtën periudhë të vitit të kaluar.

/a.m/NOA.al