Të paktën katër persona janë plagosur, tre prej të cilëve tani janë në gjendje kritike, pas një sulmi me thikë në një supermarket të Zelandës së Re. Goditja me thikë ndodhi në një supermarket Countdoun në Dunedin Qendror në South Island pasdite.

Një person është futur në paraburgim, thanë autoritetet. Kryeministrja Jacinda Ardern tha se motivimi pas sulmit nuk ishte i qartë, por se nuk kishte asnjë shenjë se ishte një ngjarje terrori.

Incidentet e dhunës masive janë të rralla në Zelandën e Re, por vendi pa të shtënat në Christchurch më 2019, kur një supremacist i bardhë vrau më shumë se 50 njerëz në dy xhami. Raportet e mediave lokale thonë se të dëmtuarit janë njerëz nga punonjës të supermarketit dhe klientë. Dëshmitarët përshkruan gjithashtu skena kaotike në supermarket.

“Ne sapo dëgjuam një britmë dhe menduam se dikush duhet të ketë rënë në tokë, por thirrja bëhej gjithnjë e më e fortë dhe më shumë njerëz ulërinin,” tha një grua pa emër për Otago Daily Times. “Unë pashë një dorë me gjak mes njerëzve; një dorë të përgjakshme dhe të gjithë filluan të vraponin drejt daljeve.” Disa blerës thuhet se ishin përpjekur ta vinin poshtë agresorin.

Ngjarja ka qenë tepër tronditëse, edhe për komunitetin. Në kë të zonë ku ndodhi sulmi, dyqanet do qëndrojnë mbyllur për disa ditë./K.B/NOA.al