I riu shqiptar i vjedh 80.000 euro pronarit në Francë, i ndërton shtëpi babait në Kosovë
Transmetuar më 06-05-2021, 22:53

Një 22-vjeçar nga Kosova është arrestuar në Strasburg të Francës pasi akuzohet se ka vjedhur 80 mijë euro nga kompania ku ai punonte.

Mediat vendase bëjnë me dije se i riu kosovar punonte në një kompani të duhanit në Francë, dhe me paratë që ka vjedhur, babai i tij ka ndërtuar një shtëpi në Kosovë.

Për tre vite me radhë, i riu ka vjedhur mbi 80,000 euro pa dijeninë e shefit të tij, ka bërë rimbursime false.

Ai është vendosur në paraburgim për mashtrim dhe pastrim parash, ndërsa pranoi fajin.

Përveç blerjes së një automjeti, i riu tha se paratë i kishin për të ndërtuar një shtëpi në Kosovë.