Covid-19/ Njëmbëdhjetë pacientë ndërrojnë jetë në 24 orët e fundit, 202 raste të reja në Kosovë
Transmetuar më 30-04-2021, 15:44

Njëmbëdhjetë qytetarë në Kosovë kanë humbur jetën si pasojë e Covid-19.

Sipas Institutit Kombëtar të Shëndetit Publik, janë evidentuar 202 raste të reja nga 2810 teste të kryera gjatë 24 orëve të fundit.

Si pasojë e Covid,  në Kosovë kanë ndërruar jetë që prej fillimit të panemisë 2173 qytetarë, shumica e të cilëve me sëmundje të tjera shoqëruese.

“Numri total i rasteve pozitive është 105.188 raste nga 533.764 persona të dyshimtë në virusin SARS-CoV-2 dhe 2.173 raste të vdekjes. Gjatë 24 orëve të fundit, janë shëruar 646 pacientë derisa numri i përgjithshëm i të shëruarve deri më sot është gjithsej 94.174 raste, kurse numri i rasteve aktive është 8.841”, thekson IKSHPK-ja.

Rastet e vdekjes:

Ferizaj 2 raste (87, 77 vjeç), Podujevë 2 raste (84, 37 vjeç), Prishtinë 2 raste (76, 64 vjeç), Drenas 1 rast (90 vjeç), Gjakovë 1 rast (79 vjeç), Mitrovicë 1 rast (78 vjeç), Skenderaj 1 rast (79 vjeç), Viti 1 rast (65 vjeç).

 Rastet pozitive:

Prishtinë 52 raste, Podujevë 14 raste, Skenderaj 14 raste, Mitrovicë 12 raste, Ferizaj 11 raste, Gjilan 11 raste, Prizren 9 raste, Fushë-Kosovë 8 raste, Suharekë 8 raste, Gjakovë 7 raste, Klinë 6 raste, Obiliq 6 raste, Pejë 6 raste, Drenas 5 raste, Lipjan 5 raste, Malishevë 5 raste, Vushtrri 5 raste, Rahovec 3 raste, Deçan 2 raste, Istog 2 raste, Kaçanik 2 raste, Novobërdë 2 raste, Shtime 2 raste, Viti 2 raste dhe me nga një rast komunat Graçanicë, Hani i Elezit dhe Leposaviq.

/a.m/NOA.al