Transmetuar më 14-04-2021, 13:27
Mbërrin nën masa të rrepta sigurie në Gjykatën e Korçës Zani Caushi. Ai rikthehet për të 3-ën herë lidhur me kërkesën për ndryshimin e nivelit te sigurisë së burgut.
Caushi kërkon të kalojë në siguri të zakonshme, pasi aktualisht vuan dënimin me burgim të përjetshëm në burgun e Drenovës në siguri të lartë.
Në seancën e kaluar është paraqitur një raport i rrezikshmërisë së tij ndërkohë që palët kanë kërkuar kohë për tu njohur me raportin ndërsa seanca po zhvillohet me dyer të mbyllura.
Më 9 prill në një tjetër seancë, Gjykata e Korçës ka rrëzuar kërkesën e tij për të përfituar lirimin me kusht./K.B/NOA.al