Transmetuar më 13-04-2021, 11:29

Robertine Houbrechts nga fshati belg, Muizen, është pothuajse 100 vjeçe, ndërkohë që çdo natë ajo ende pi deri në 20 birra në barin e saj të preferuar, shkruhet në faqen e internetit today.it.

“Unë gjithmonë dal e fundit, por mjeku ma lejon”, i tha ajo gazetës belge ”Het Laatste Nieuws”.

“Robertine vjen këtu pothuajse çdo natë, e shoqëruar nga djali i saj Felix, i cili jeton në shtëpi me të, ndërsa shumica e bashkëmoshatarëve të saj bëhen gati për të fjetur. Ajo është sigurisht vizitorja më e vjetër dhe më besnike e lokalit tonë. Të gjithë e njohin atë dhe ajo i njeh të gjithë”, shprehet pronari i lokalit, Fanny Waegemans.

“Çdo mbrëmje, rreth orës tetë do të më gjesh këtu”, thotë Robertine.

Ajo pi gjithmonë ”Jupiler”. Ajo nuk pi asgjë tjetër.

Kur u pyet se sa birra bëhen mesatarisht në një mbrëmje, ajo përgjigjet duke e fshehur numrin./K.B/NOA.al