Mesazh të qartë politikanëve, Kryemyftiu i Kosovës: Presidentes e kryeministrit duhet t’iu dalë gjumi natën nga përgjegjësia që kanë
Transmetuar më 11-04-2021, 09:42

Kryemyftiu  i Kosovës Naim Tërnava deklaroi se presidentja Vjosa Osmani dhe kryeministrin, Albin Kurti e ka quajtur njeri “bollshëm të lexueshëm”. I ftuar në RTV Dukagjini Tërnava ka thënë se qëndrimet politike të Albin Kurtit për të ardhmen e Kosovës janë të njëjta dhe të ditura prej vitesh.

“Intervista e tij nga burgu në Serbi flet mjaftueshëm për të”. I pari i myslimanëve të Kosovës ka pasur fjalë të mira edhe për Vjosa Osmanin, pasi sipas tij në ish-partinë e saj Osmani ka thënë kontribut të madh.

“Unë e uroj presidenten për postin e ri dhe lus Zotin të çojnë para proceset. Inatet dhe zënkat t’i lënë anash. Kosova po pret ditë më të mira dhe këta nuk kanë kohë për zënka. Presidentja, Kryeministri e ministrat, fute edhe myftiun aty nga pozita që ka, nuk duhet dhe nuk kanë mundësi të bëjnë gjumë të rehatshëm ngase kanë gajle të mëdha. Atyre shpeshherë duhet t’iu dalë gjumi natën nga përgjegjësia që kanë në raport me popullin dhe të ardhmen e vendit”, tha ai.

Tërnava thotë se personalisht ka pasur raporte shumë të mira me të gjitha qeveritë në Kosovë. Ai thotë se e çmon shumë faktin se politika asnjëherë nuk është përzier në punët e brendshme të Bashkësisë Islame të Kosovës. “Politika asnjëherë nuk duhet të përzihet në fe dhe as feja në politikë”, deklaroi ndër të tjera Naim Tërnava./K.B/NOA.al