E detyrojnë të lypë rrugëve, drama e një gruaje: Kur isha shtatzënë burri më braktisi, më tradhtonte me të tjera
Transmetuar më 06-04-2021, 16:12

Është kjo drama e një gruaje rome në vendin tonë.

Kur ishte 25 vjeç, familja e saj nuk e ka dashur më në shtëpi dhe është detyruar të shkojë të jetojë tek gjyshja e saj.

Aty njohu dhe babain e fëmijës së parë i cili thotë se ia ka shkatërruar jetën.

Ajo e ka njohur kur ishte 25 vjeç gjatë kohës që punonte si sanitare në një lokal.

Rita tregon se erdhi në jetë djali i tyre nga kjo lidhje kur ishte 31 vjeç, por edhe me këtë burrë asaj nuk i pëlqeu jetesa. Kur krijuan familjen, ata kanë filluar të jetonin në shtëpinë e nuses së xhaxhait të burrit në Elbasan.

Kur ka ngelur shtatzënë 3 muajshe, ai e tradhtonte me të tjera dhe i tha që nuk e do më. Ajo është ndarë nga 29-vjeçari kur ishte shtatzënë, pa ardhur fëmija në jetë dhe filloi të jetonte rrugëve. Kur lindi e mbështeti nëna e saj, por pasi u bë djali 3 muajsh, ajo u përzë nga e ëma dhe vëllezërit dhe ngeli pa asnjë mbështetje.

Provoi të jetonte sërish me burrin e dytë, sepse nuk kishte asnjë rrugë zgjidhje tjetër, por ai e la sërish sepse kishte një lidhje tjetër paralele dhe nuk e donte. Rita tregon se është dhunuar nga ai, ka shkuar në polici, ka marrë urdhër mbrojte. Madje nuk i ka dhënë atësinë të birit sepse thoshte që nuk është djali i tij. Tani jeton tek djali i xhaxhait në një shtëpi private dhe i ka dhënë një dhomë.

Ajo mbledh kanaçe dhe bidona dhe mund të fitojë maksimumi 7 mije lekë. Qëndrimi i saj tek ajo shtëpi nuk është përgjithmonë, ajo duhet të lëvizë sepse nuk do e mbajë më gjatë nusja e djalit të xhaxhait. Rita ishte e ftuar në emisionin “Historia ime” në Klan. 45-vjeçarja i kërkon moderatores Mirela Milori ku ishte e ftuar sot që ta ndihmojë të gjejë shtëpi sepse është në gjendje të keqe, ka 200 mijë Lekë borxh dhe nuk ka as para që t’i blejë ilaçe djalit të vogël

Pjesë nga intervista:

Erdhi vajza në jetë, a ia dha atësinë?

Jo nuk ia dha sepse thoshte që nuk është i imi.

Si ishte jetesa me babain e vajzës?

Nuk më ka mbajtur mirë, më ka trajtuar shumë keq, më nxirrte të lypja me fëmijën e vogël, më merrte lekët, më gënjente, më thoshte do shkoj aty, do shkoj atje. Nuk e mbajta më dhe ika të jetoj ca tek tezja, ca tek daja. Më kanë ndihmuar shumë.

Ti në moshën 31 vjeç ndahesh nga babai i vajzës dhe njihesh me këtë djalin 29-vjeçar. Ku e njohe?

Tek Shtëpia e Ngjyrave. Ai nënën e kishte në Itali dhe e ndihmonte, i dërgonte dhe lekë.

/a.m/NOA.al