Pak orë pas aksidentit tragjik mbrëmjen e djeshme ku tre persona humbën jetën në Kodër Kashar, kanë dalë detaje të reja.
Ngjarja ndodhi në vendin e quajtur Kodër-Kashar, rreth orës 23:30, raporton noa.al.
Policia tha se Zija Stefanescu (Murati) 29 vjeç, ka humbur kontrollin e mjetit duke dalë nga rruga siç shihni foto në galeri.
Si pasojë kanë ndërruar jetë 3 pasagjerë në këtë mjet, vëllezërit Ismail Sulaj, 66 vjeç dhe Belul Sulaj 63 vjeç, kushërinj të shoferit si dhe Dashamir Dema 50 vjeç, po kushëri i shoferit, që të tre pasagjerë në mjet.
Sakaq drejtuesi i mjetit ndodhet në spital, nën kujdesin e mjekëve dhe u vu në gjendje arresti.
Dy vëllezërit raportohet se vdiqën në vend, ndërsa 50-vjeçari Dema ndërroi jetë në spital.
Ndërkohë, drejtuesi i mjetit, Zija Murati, ndodhet në spital, nën kujdesin e mjekëve. 27-vjeçari i është nënshtruar dhe analizave të gjakut për të parë nëse ka konsumuar alkool.
Kujtojmë që aksidenti ndodhi rreth orës 23:30, kur për shkak të masave anti-Covid nuk lejohet qarkullimi i mjeteve. /e.a/noa.al/