Transmetuar më 01-03-2021, 15:34

Gjatë 24 orëve të fundit në Kosovë, 9 pacientë kanë humbur jetën nga koronavirusi.

Ministria e Shëndetësisë, bën me dije se nga 2,914 testime të kryera gjithsej, 467 persona rezultuan pozitivë.

Ndërkohë 241 pacientë janë shëruar, duke e çuar numrin e përgjithshëm në 60,063 të shëruar, që nga fillimi i pandemisë marsin e kaluar.

Rastet e vdekjeve janë nga komunat: Pejë 2 raste (65, 63 vjeç), Prishtinë 2 raste (75, 51 vjeç), Deçan 1 rast (77 vjeç), Gjakovë 1 rast (65 vjeç), Kaçanik 1 rast (55 vjeç), Prizren 1 rast (77 vjeç), Rahovec 1 rast (89 vjeç).

Rastet pozitive janë nga komunat: Prishtinë 188 raste, Pejë 42 raste, Ferizaj 29 raste, Podujevë 25 raste, Prizren 24 raste, Gjakovë 21 raste, Mitrovicë 20 raste, Fushë-Kosovë 16 raste, Gjilan 16 raste, Suharekë 13 raste, Lipjan 10 raste, Kamenicë 8 raste, Kaçanik 8 raste, Viti 8 raste, Vushtrri 8 raste, Shtime 6 raste, Drenas 5 raste, Istog 5 raste, Rahovec 4 raste, Deçan 3 raste, Klinë 3 raste, Dragash 2 raste dhe me nga një rast komunat Graçanicë, Obiliq dhe Skenderaj. /e.a/noa.al/