Nga një histori e kronikës së zezë, sot ajo ka një forcë të madhe për të vazhduar dhe luftuar në mënyrë që të mos ndodhë më kurrë një gjë e tillë.

Madelene Sagstrom është një lojtare suedeze e golfit profesionist, e cila, në orët e fundit, i ka treguar botës për dramën që ka përjetuar në shpirt për dekada.

Në fshehtësi, gati sikur të ishte "faji i saj". Suedezja ka qenë viktimë e dhunës seksuale në moshën shtatë vjeçare nga një burrë i afërm i familjes së saj. Për vite me radhë ajo qëndroi e heshtur para se t’i tregonte gjithçka, në vitin 2016, trajnerit të saj kur ishte 23 vjeçe.

Zbulimi tronditës i profesionistes, vjen në prag të Kampionatit Gainbridge, një garë në qarkun profesional USA LPGA, e planifikuar në Florida nga e enjtja 25 deri të dielën në 28 ​​shkurt. Gainbridge është turneu i vetëm i karrierës së Sagstrom.

Rrëfimi erdhi gjatë  “Drive On“, një kolonë e turit, që nxjerr në pah historitë dhe kuriozitetet e protagonistëve. Lojtarja e golfit suedez, tashmë 28-vjeçare, flet për veten me zemër të hapur.

Rrëfimi i parë ndodh në vitin 2016, përmes lotëve, me trajnerin e saj, Robert Karlsson, në një dhomë hoteli në Greenwood, Karolina e Jugut, para një turneu ‘Symetra Tour’.

“Në të gjitha ato vite, – thotë Madelene Sagstrom, – fajësova veten. E urreja veten dhe e përbuzja trupin tim. Kam parë makthe dhe nuk i kalova dot. Pastaj u rrita dhe tani nuk kam frikë më. Pas këtij zbulimi, në të njëjtin vit, fitova tre turne dhe kjo falë Karlsson që më kuptoi dhe më mbështeti. Unë do të jap të gjithë kontributin tim për të siguruar që histori si e imja të mos ndodhin më”, – thotë ajo. /e.a/noa.al/