Tronditet Shkodra, të shtëna me armë zjarri në drejtim të një automjeti
Transmetuar më 21-02-2021, 12:56

Në drejtim të një makine në Shkodër raportohet se është qëlluar me armë zjarri në drejtim të një 30 vjeçari.

Sipas informacioneve të para, nuk ka persona të lënduar.

Ngjarja mësohet se ka ndodhur pak minuta më parë në lagjen ‘Skënderbeg’.

Shkodër/Informacion paraprak

Më datë 21.02.2021, rreth orës 11:50, në lagjen "Skenderbeg", Shkodër, në afërsi të një pike karburanti, është qëlluar me armë zjarri në drejtim të automjetit që drejtohej nga shtetasi T. P. 30 vjeç , banues në lagjen "Skenderbeg", Shkodër. Nga të shtënat nuk ka asnjë preson të lënduar.

Menjëherë në vendngjarje kanë shkuar shërbimet e Policisë të DVP Shkodër dhe FNSh Shkodër ku janë vënë në ndjekje të autorëve. Njëkohësisht janë ngritur pika kontrolli në të gjitha hyrje-daljet e qytetit dhe vijon krehja e zonës për kapjen e autorëve të dyshuar.

Në vendngjarje ndodhet grupi hetimor dhe nën drejtimin e Prokurorisë së Rrethit Gjyqësor Shkodër po vijon veprimet për sqarimin e rrethanave të kësaj ngjarje, sekuestrimin e çdo prove që do shërbejë për identifikimin e autorëve../a.m/NOA.al