Dy nga moderatorët e njohur të ekranit në Tv Klan janë infektuar me Covid.

Pas Ardit Gjebresë, edhe Rudina Magjistari, doli sot në ekran nga shtëpia, ku tha se është vetë-iozoluar. Ajo nuk e ka bërë ende tamponin, por shprehu siguri mbi simptomat, duke thënë se është infektuar.

Rudina Magjistari beson se është infektuar me Covid-19

Moderatorja e njohur Rudina Magjistari është infektuar me Covid-19 dhe këtë e bëri të ditur sot gjatë emisionit që e ka prezantuar nga shtëpia e saj.

Përmes një lidhje me Skype Rudina tregon se në fillim është infektuar bashkëshorti i saj dhe më pas simptomat i janë shfaqur edhe asaj.

Ajo tha se ende nuk e ka bërë tamponin, por është e qarte se simptomat që ka, tregojnë se mund të jetë dhe ajo pozitive.

“Përshëndetje të dashur miq, sot ndryshe nga çdo herë tjetër në programin tonë, ju përshëndes nga shtëpia ime. Jam në një kënd këtu të improvizuar për të bërë një lidhje me ju drejtpërdrejt nëpërmjet Skype pasi e kisha të pamundur që sot të vija në studio. Pse do thoni ju, e nuk ka arsye tjetër përveç Covidit. Mesa duket ishte momenti për ta pasur unë radhën  për të kaluar Covidin.

“Në fakt me thënë të drejtën tamponin nuk e kam bërë ende, por simptomat janë bërë shumë të qarta, për më tepër që në familje, bashkëshorti im dje ka rezultuar me tampon me Covid kështu që duke presupozuar që mund ta kem dhe unë preferova të marr menjëherë masat, të izolohem dhe ndërkohë në ditët në vijim të bëj tamponin. Sigurisht që kam filluar mjekimin me mjekun infeksionit Gentian Stroni, kam qenë gjatë gjithë kohës në kontakt me të dhe kam rastin ta falenderoj dhe përshëndes sepse ka qenë gjithmonë i gatshëm për të më ndihmuar me këshillat dhe sugjerimet e tij”.

“Ne do të vijojmë gjatë kësaj periudhe të karantinimit tim herë pas here me lidhje të tilla por ndërkohë do të të sjellim për ju edhe programe të cilat ne i kemi regjistruar më herët dhe do i transmetojmë”, është shprehur Rudina Magjistari.

Ardit Gjebrea mungon këtë javë te “E Diela Shqiptare”

Moderatori i njohur Ardit Gjebrea ka dalë pozitiv me Covid-19 dhe pavarësisht gjendjes së tij ai arriti që këtë fundjavë ta prezantojë me sukses emisionin “E Diela Shqiptare” nga shtëpia.

Përmes një postimi në Instagram, Gjebrea tregoi se mjekët i kanë thënë që të dielën e ardhshme duhet patjetër ta bëjë pushim.

Gjebrea ka njoftuar se këtë fundjavë programi do vazhdojë po njësoj por me disa ndryshime.

“Këtë të diel mjekët më thanë- PUSHIM! Por nuk do të ketë pushim! E Diela Shqiptare dhe skuadra fituese:  “Gjysma ime” & “Të panjohurit” – Enkel Demi, “Telebingoja Shqiptare”- Gentjan Zenelaj, “Ka një mesazh për ty”- Marsela Çibukaj”, shkruan Ardit Gjebrea.

/a.m/NOA.al