AAC, njoftim i rëndësishëm për të gjithë ata që kanë planifikuar të udhëtojnë drejt Italisë
Transmetuar më 28-01-2021, 17:19

Autoriteti i Aviacionit Civil njofton të gjithë udhëtarët që kanë prerë biletën për të udhëtuar nesër drejt Italisë, që të kontrollojnë oraret e biletave të tyre.

Nga Aviacioni Civil është paralajmëruar grevë.

Sipas AAC, kontrollorët e trafikut ajror kanë lajmëruar grevë nesër më datë 29 janar, nga ora 13.00 – 17.00.

NJOFTIM I RËNDËSISHËM

Autoriteti i Aviacionit Civil, bazuar në njoftimin e Entit Kombëtar të Aviacionit Civil Italian (ENAC), publikuar në faqen zyrtare të internetit (www.enac.gov.it), njofton të gjithë pasagjerët që do të udhëtojnë drejt Italisë, për një grevë të lajmëruar të kontrollorëve të trafikut ajror në datë 29/01/2021, nga ora 13:00 – 17:00.

Për sa më sipër udhëzohen shoqëritë ajrore dhe pasagjerët e interesuar të komunikojnë dhe të informohen për statusin e fluturimit të tyre.

/a.m/NOA.al