Një aksident i rëndë raportohet se ndodhi në Korçë gjatë mbrëmjes së sotme.
Një automjet përplasi në rrugë kalimtarin Adriatik Gishta, 55 vjeç, duke e lënë fillimisht të plagosur rëndë.
Ngjarja ka ndodhur rreth orës 19:10, në fshatin Bulgarec, në aksin Korçë-Maliq.
I plagosuri është dërguar me urgjencë drejt spitalit por pavarësisht ndihmës së parë që mori nga mjekët, raportohet se 55-vjeçari ndërroi jetë.
Policia ka shkuar në vendin e ngjarjes dhe po heton shkaqet e aksidentit.
Policia tha se shtetasi me iniciale K.D, duke drejtuar mjetin tip "Benz", ka aksidentuar shtetasin A. G., rreth 55 vjeç, banues në Bulgarec, këmbësor në rrugë, i cili u dërgua në Spitalin e Korçës, ku ka ndërruar jetë.
Drejtuesi i automjetit që shkaktoi aksidentin është shoqëruar në komisariat, deri në sqarimin e rrethanave të ngjarjes.
Dyshimet e para flasin se i aksidentuari ka qenë në gjendje të dehur.
/a.m/NOA.al