Transmetuar më 11-01-2021, 23:43
Një ngjarje e rëndë me pasojë plagosjen ka ndodhur në Shkodër.
Ngjarja ka ndodhur mbrëmjen e sotme rreth orës 22:20, në lagjen “Tre Heronjt”.
Një person ka shkuar në Spitalin Rajonal Shkodër i dëmtuar në këmbë.
E. L. 24 vjeç, dyshohet se është qëlluar me armë zjarri si pasojë e një konflikti të çastit por fatmirësisht ndodhet jashtë rrezikut për jetën.
Në vendin e ngjarjes ndodhen shërbimet e policisë dhe vijon puna për kapjen e autorit, i cili është identifikuar nga Policia.
Grupi hetimor nën drejtimin e Prokurorisë po punon për sqarimin e rrethanave të ngjarjes./noa.al/