Transmetuar më 10-01-2021, 21:57

Ngjarjet e fundit në “Për’puthen” dhe krijimi i “Për’Puthen Prime” u diskutuan edhenë emisionin “Shqipëria Live”.

E ftuar në studio ishte ish-konkurrentja e “Për’puthen”, Edona Nokshiqi, e cila u shpreh se i ka pëlqyer ideja e “Për’puthen Prime”.

“E kam ndjekur “Për’puthen” dhe mu duk diçka vërtetë interesante. Diçka e re edhe me pjesën që ka të ftuar që komentojnë konkurrentët, sepse tregon edhe mendimin e pjesës tjetër të publikut, përveç opinionistit që është. Më pëlqeu, më tërhoqi shumë”, tha Edona.

Ndërkohë duke komentuar puthjen e famshme mes Anës 1 dhe Atdheut, ish-konkurrenjta u shpreh se ishte e planifikuar.

“Kjo pjesa e puthjes për mendimin tim ishte krejt e planifikuar. E planifikuar pasi ajo në momentin që mbaroi fjalimin e saj, i tha “a mund të vish të më japësh një puthje”. Ana e kishte planifikuar që të merrte vëmendje, t’u thoshte se shiko që konkurrenti më interesant aty, po të dua mund ta kisha. Gjëra të tilla që mendojnë femrat”, tha ajo.