Michael Jordan bën një ‘dhuratë të pabesueshme’.
Ai dhuron 2 milion dollarë nga të ardhurat e “The Last Dance” për të varfërit që luftojnë me urinë në SHBA.
Ai është pa dyshim basketbollisti më i mirë i të gjitha kohërave. Por edhe një njeri me zemër të madhe.
Michael Jordan zbuloi zemrën e tij prej ari me një dhurim mbresëlënës prej 2 milion dollarësh për organizatën jofitimprurëse “Feeding America” përpara sezonit të festave.
Organizata postoi në Twitter mesazhin lavdërues për legjendën e sportit botëror lidhur me kontributin e tij bujar.
Jordan këmbënguli se është më e rëndësishme se kurrë të ndalesh e të ndihmosh të tjerët, në këtë epokë sfiduese me COVID-19.
Feeding America është një organizatë që ndihmon për zhdukjen e urisë.
Ajo furnizon më shumë se 200 mensa me produkte ushqimore, për të ushqyer më shumë se 46 milion njerëz, që presin shërbime humanitare dhe sociale.
‘Një dhuratë e pabesueshme për të qenë mirënjohës – legjenda e NBA Michael Jordan po dhuron 2 milion dollarë për të ndihmuar fqinjët tanë që përballen me urinë!’ – shkroi fondacioni në mesazhin falenderues./a.m/NOA.al