Në një intervistë për gazetën italiane “La Stampa”, drejtori i Institutit amerikan për sëmundjet infektive, Anthony Fauci, është shprehur se vaksinimet e para anti-Covid pritet të nisin që në muajin dhjetor.

"Vaksinimet kundër Covidit mund të fillojnë midis 12 dhe 15 dhjetorit në SHBA. por edhe në Itali. Kjo, sidoqoftë, duhet të na nxisë të marrim menjëherë masa për të frenuar infeksionet me seriozitetin më të madh. Ajo që ju po bëni në Itali është e drejtë, por mbase do të duhet të mbani të mbyllura baret dhe restorantet dhe të kaloni Krishtlindjet në shtëpi vetëm me anëtarët e ngushtë të familjes".

Të premten kompania farmaceutike Pfizer, paraqiti një kërkesë në Administratën e Ushqimit dhe Barnave, për të kërkuar autorizimin e përdorimit emergjent të vaksinës anti-Covid.  /e.a/noa.al/