Shuhet modelja e famshme me sytë “si dy liqene të mëdha” (FOTO)
Transmetuar më 16-11-2020, 15:42

Modelja me famë botërore Isa Stoppi vdiq në Milano. Ikona e elegancës dhe bukurisë, ajo njihej si muza e fotografëve më të njohur, përfshirë Gian Paolo Barbieri, i cili e portretizoi atë si një perëndeshë me një gjarpër në qafë, në një foto që ka hyrë plotësisht në imagjinatën e historisë së modës, apo Richard Avedon i cili e quajti atë "modelja me dy liqene në vend të syve".

Edhe Helmut Newton, Irving Penn dhe shumë të tjerë portretizuan modelen e famshme.

Lindur në Libinë koloniale dhe e rritur në zonën e Piacenza, ajo u zbulua nga Diane Vreeland, redaktorja e famshme e Vogue që i kushtoi modeles  kopertinën e numrit të parë të “Vogue Italia”.

Sidoqoftë, suksesi global erdhi në vitin 1962 kur ajo e gjeti veten, duke përfaqësuar Italinë në konkursin Miss Universe. Gjatë viteve gjashtëdhjetë ajo u shfaq në kopertinat e revistave më prestigjioze në botë, duke u bërë fytyra e shtëpive të modës si Valentino./a.n/NOA.al