Mësuesja 32 vjeçe është burgosur për dy vjet pasi kreu marrëdhënie seksuale me një nxënës, 15 vjeç, gjë që e bëri atë të mendonte ‘prerjen’ e organeve gjenitale në përpjekje të dëshpëruar për t’i dhënë fund abuzimit.

Fay Mcrobbie ishte 25 vjeçe kur abuzoi me nxënësin, duke e ftuar atë në stërvitje të arteve marciale.

Gjykata dëgjoi se ajo besonte se marrëdhënia ishte e vërtetë dhe e pa viktimën si të dashurin e saj.

Kur adoleshenti i dha fund lidhjes, ajo i tha viktimës se do të vriste veten, dëgjoi gjykata.

Mcrobbie, tani 32 vjeçe, u burgos për dy vjet e katër muaj pasi pranoi tre akuza, si fajtore e përfshirjes së një fëmije në aktivitet seksual.

Djali i shkollës ishte aq i shkatërruar nga kërkesat seksuale të 25-vjeçares në atë kohë, saqë ai i rrëfeu gjyqtarit që e kishte menduar të dëmtonte seksualisht veten në përpjekje për t’u bërë më pak tërheqës për gruan.

Historia tronditëse e sjelljes së paligjshme të mësueses ndaj djalit 10 vjet më të ri u zbulua në gjykatë në një seancë dënimi.

Mcrobbie, tani 32 vjeçe nga Wallingford, Oxfordshire, e kishte joshur nxënësin e saj 15-vjeçar duke filluar në 2014, u tha në gjykatë.

Nxënësi i dha fund marrëdhënies së tyre dy-vjeçare, duke pretenduar se ai nuk e donte më mësuesen asistente për të vazhduar artet marciale jashtë shkollës.

Sidoqoftë, kur Mcrobbie zbuloi se ai ishte duke filluar një marrëdhënie me një vajzë të moshës së tij, ajo i shkruajti një letër ku e kërcënoi se do të vriste veten.

Viktima tani 22-vjeç në gjykatë  tregoi sesi sjellja kontrolluese e mësueses kishte ndikuar thellë tek ai.

“Unë po shkoja në depresion të rëndë pasi nuk mund të flisja me askënd, Fay ishte shoku im i vetëm”.

“Ndërsa do të mbyllja shkollën dhe do të shkoja në kolegj, doja të ndaloja së foluri me Fay por ajo po planifikonte një të ardhme për ne”.

“Rreth natës së Vitit të Ri i thashë asaj se nuk e dua më. Ajo u prish duke thënë se nuk mund të vazhdonte jetën nëse nuk do të ishim bashkë”.

“Ajo më tha se donte të vriste veten. Ajo po më mbingarkonte me emocionet e saj”.

Ai tha se kur “Fay mësoi për të dashurën time të re dhe ajo u çmend. Ajo e bëri misionin e saj të na ndajë”.

Nxënësi, i cili nuk mund të përmendet për arsye ligjore, i shpjegoi gjyqtarit: Gjatë udhëtimit për stërvitje te artet marciale ajo do të më jepte shumë vëmendje dhe ne ishim në gjendje të flisnim për shumë gjëra”, derisa tha se më tej nisi edhe historia që ai e quajti abuzive të mësueses0