Qeveria greke duket se do të shpallë  "lockdown" ose izolim në të gjithë vendin.

Sipas informacioneve të fundit pritet që nesër në orën 12 të mesditës kryeministri grek Mitsotakis ti drejtohet përsëri popullit me një mesazh televiziv për t’i komunikuar ketë masë ekstreme, në përballimin e valës së dytë të pandemisë.

Karantina e përgjithshme që thuhet se do të zgjasë nga 15 deri ne 30 ditë është propozuar nga specialistet përkatës, të cilët janë tepër të shqetësuar nga rritja e numrit të rasteve, por edhe të vdekjeve.

"Lockdown" do të fillojë prej të premtes në mëngjes dhe pritet të sqarohen edhe hollesitë e fundit sa ju perket shkollave fillore dhe gjimnazeve nëse do të vazhdojnë të jenë të hapura apo do të mbyllen.

Sot është shënuar përsëri rekord rastesh dhe vdekjesh në Greqi nga covid 19.

Sipas organeve greke të Shëndetsisë në 24 oret e fundit janë regjistruar 2646 të prekur , prej tyre 823 në Selanik që ndodhet në ditën e dytë të karantinës bashkë me Serresin dhe 588 ne Athinë.

Numri i përgjitshem i rasteve prej fillimit të pandemisë ka shkuar ne 46 892, ndersa numri i viktimave në 673, prej tyre vetem sot 18.

Mosha mesatare e viktimave është 79 vjec dhe 96.4% ka pasur historik të rënduar shëndetësor.

Gjithashtu edhe numri i personave në terapi intensive ka shkuar në 179 .

Rritje të konsiderueshme të rasteve ka pasur në Larisa 111, në Dramë 85, në Rodhopi,83, në Serres 72, në Evro 61,në Kavala 57, ,në Ksanthi 55, në Pella 54, në Kilkiz 51, në Imathia 44.

/S.H /NOA.al