Vëllai i ish-presidentit Bujar Nishani, ka tregon momentet e tmerrit pas shpërthimit në flakë të automjetit me të cilin po udhëtonte në mes të Durrësit. Ilir Nishani thotë se para se të hipte mbi makinë, ka ndier erën e gazit, që përdorte në mjetin e tij përmes një impianti të montuar.

Në një intervistë të shkurtër nga vendi i ngjarjes, Ilir Nishani ka rrëfyer përjetim e tij. “Dëgjova një zhurmë, pashë flakët nga pas makinës dhe më pas edhe përpara makinës. Thjesht defekt në impiantin e benzinës asgjë më tepër. Sot në mëngjes kur dola nga garazhi lashë mbrapa një erë të rëndë benzine në garazh.Zbrita menjëherë, ktheva kokën dhe pashë flakët. Dyshoj se është defekt në impiantin e gazit, asgjë tjetër”, tha Ilir Nishani për News24.

Ditën e sotme rreth orës 10:00 në lagjen nr. 12 në Durrës një makinë tip “Mercedes Benc” ka shpërthyer në flakë. Makina ka qenë në pronësi të Ilir Nishanit, vëllait të ish presidentit Bujar Nishani. Ilir Nishani arriti të dilte nga makina pak para se ajo të përfshihej nga flakët. Shkaku i shpërthimit ka qenë një shkëndijë elektire që ka takuar impiantin e gazit. /NOA/