Transmetuar më 30-10-2020, 21:14
Shtohen numri i të infekturave brenda kampit qeverisës.
Izolohet ish-ministri dhe deputeti socialist, Anastas Angjeli.
Deputetit Anastas Angjeli i është komunikuar sot lajmi, se edhe ai është infektuar me koronavirus.
Angjeli prej ditësh ka qenë në gjendje jo të mirë dhe me simptoma të lehta.
Ai sot i është kthyer përgjigja e tamponit, i cili ka rezultuar pozitiv.
Burime për mediat bëjnë me dije se deputeti, njëkohësisht sekretar në Komisionin e Ekonomisë dhe Financave, është vetëkarantinuar në banesë.
Një ditë më parë pozitiv rezultuan dhe ministrja e Infrastrukturës dhe Energjetikes, Belinda Balluku dhe guvernatori i Bankës së Shqipërisë, Gent Sejko. Po ashtu e izoluar prej Covid-19 është aktualisht edhe deputetja Blerina Gjylameti.
/NOA.al