Sezoni vjeshtë-dimër në det ka filluar në Bullgari
Transmetuar më 28-10-2020, 06:57

Gjatë javës së kaluar qyteti Burgas priti 25 turistët e parë nga Ukraina për një pushim të kombinuar për periudhën vjeshtë-dimër.

Sipas traditës së vjetër bullgare turistët u pritën me bukë dhe mjaltë, nën tingujt e instrumenteve autentike folklorike.

Grupi i turistëve kaloi 2 ditë në qytetin detar, pas së cilës u drejtua për shoping në Stamboll.

Në fund të muajit tetor fillon dhe një program tjetër, i orientuar ndaj miqve nga Ukraina. Ai parashikon vizitë në qytetin Burgas në kombinim me tre ditë spa turizëm në qytetin Hisarja.

Gjatë kohës së të dyja programeve priten mbi 400 miq të vijnë për pushim në Burgas. Programi i tyre përfshin vizitë të qytetit Pomorie, të shoqëruar me biseda për vetitë e dobishme të baltës shëruese dhe spa turizmin në rajon.