Dorjan Teliti ka reaguar ndaj kryeministrit Edi Rama, i cili mëngjesin e sotëm publikoi vlerësimin e revistës prestigjoze ‘Lancet’, e cila e kishte vlerësuar sistemin në shëndetësi me 70 pikë.

Me anë të një postimi në ‘Facebook’ eksperti i PD-së për ekonominë Dorjan Teliti shkruan se realiteti është se shqiptarët vdesin trotuareve të refuzuar dhe të përzënë nga spitalet.

Sipas telitit, Shqipëria është vendi me më pak mjekë për 1000 banorë në Ballkan, me pagat më të ulëta për ta si dhe ka buxhetin më të ulët për shëndetësinë në rajon.

Postimi i plotë i Dorian Telitit:

ER inaguroi dje për herë të dytë spitalin Covid3 pa bërë asnjë transparencë për aparaturat dhe numrin e mjekëve dhe infermierëve të specializuar që duhet të jenë në shërbim të të sëmurëve me Covid.

Ndërsa sot pa gdhirë kërkon t’u mbushë mendjen shqiptarëve se shëndetësia e epokës së rilindjes është e sukseshme dhe konkurruese në botë.

Me një raport që tregon shkallën e vaksinimit të popullsisë, ai po orvatet të bindë shqiptarët se shëndetësia shqiptare është ku e ku më mirë se shëndetësia e vendeve si Turqia ku sot shkojnë për të gjetur shërim oligarkët e PPP-ve në shëndetësi.

Ndërkohë faktet janë kokëforta dhe asnjë video 3D nuk e fsheh dot të vërtetën që jemi vendi me numrin më të ulët të mjekëve për 1000 banorë në Ballkan, kemi pagat më të ulëta për mjekët, kemi buxhetin më të ulët për shëndetësinë dhe kryejmë disa herë më pak testime për COVID se çdo vend i rajonit.

Shëndetësia në 3D e ER është çështje e kinemasë, jo e realitetit.

Realiteti thotë që shqiptarët vdesin trotuareve të refuzuar dhe të përzënë nga spitalet.

Realiteti i shëndetësisë së ER thotë që mjekët dhe infermierët ikin nga sytë këmbët nga ky vend, ndërsa diploma e studentit të mjekësisë shërben thjesht si vizë pune në Gjerman.

/NOA.al