Kamerat e sigurisë kanë filmuar momentin kur një modele, 26 vjeçe, ka hapur zjarr ndaj grabitësve të cilët ishin futur në shtëpinë e saj në Miami.

Nga pamjet e mëposhtme do të mund të shihni se si ajo mundohet të shpëtojë bashkëshortin, djalin e saj të vogël dhe miqtë që ishin në shtëpi.

Ansley Pacheco, ylli i “Only Fans”, ishte në dhomën e gjumit kur grabitësit hynë në shtëpinë e saj në Hileah. Në video shihni persona mësynë në shtëpi dhe qëlluan drejt bashkëshortit të saj Daniel dhe miqve të tij në dhomën e ndenjes.

Ajo mori armën dhe filloi të qëllonte ndaj tyre për t’i trembur që të largoheshin. Por grabitësit e armatosur me iu kundërpërgjigjën.

Video tregon Pacheco-n, 26 vjeçe, që merr pistoletën e saj përpara se të hapë zjarr ndaj dy grabitësve nga dera e dhomës së gjumit.

“Mos qëllo, djali im është këtu,” tha modelja e cila është me mbathje dhe me pistoletën në dorë.

Ajo dorëzoi pistoletën për të shmangur përshkallëzimin e situatës dhe më pas tregon se dy personat e armatosur morën një sasi të konsiderueshme sendesh me vlerë.