Lajmi i mirë/ Shkencëtarët në prag të zbulimit të ilaçit kundër COVID 19
Transmetuar më 17-10-2020, 13:30

Shkencëtarët janë duke përparuar ndjeshëm për një ilaç që do të sillte parandalimin e Covid. Ilaçi raportohet të jetë shumë efikas në bllokimin e aktivitetit të SARS-CoV-2-Plpro.

Një raport i publikuar këto ditë evidenton mënyrën për të bllokuar një proteinë që përdor koronavirusi i ri, për të prerë dhe çaktivizuar përbërësit thelbësorë të sistemit imunitar dhe për të prodhuar kopje të vetvetes.

Studiuesit në Qendrën e Shkencës Shëndetësore e Universitetit të Teksasit në San Antonio (UT Health San Antonio) në SHBA, zhvilluan dy molekula që pengojnë enzimën molekulare "gërshërë" të përdorur nga koronavirusi i quajtur SARS-CoV-2-PLpro.

Sipas studimit, botuar në revistën Science, SARS-CoV-2-PLpro, shkakton infeksionin duke ndjerë dhe përpunuar si proteinat virale ashtu edhe ato njerëzore.

"Kjo enzimë krijon një veprim të dyfishtë", tha autori i studimit Shaun K. Olsen, profesor i asociuar i biokimisë dhe biologjisë strukturore në UT Health San Antonio. "Ajo stimulon çlirimin e proteinave që janë thelbësore për të ndalur shumëzimin e virusit dhe gjithashtu frenon molekulat e quajtura citokina dhe kemokina që sinjalizojnë sistemin imunitar për të sulmuar infeksionin," – u shpreh Olsen.

/NOA.al