INTERPOL ka publikuar foto të tjera të Gramoz Dritan Rexhepit, 40-vjeç.
Ai po vuan dënimin në burgun e Kuitos në Ekuador, ndërsa mbi vlonjatin rëndojnë dhjetëra akuza.
Gramoz Rexhepi kërkohet edhe nga autoritetet në Belgjikë.
INTERPOL thotë se Rexhepi akuzohet për vrasje me paramendim e kryer në bashkëpunim, plagosje të rëndë me dashje, armë dhe municione luftarake, falsifikim vulash, dokumentesh pasaportash, rrëmbim dhe mbajtja peng e një personi për trafik droge.
Në vendin tonë Gramoz Dritan Rexhepi akuzohet si personi që ka porositur pengmarrjen e Jan Prengës në Kamzë për një ngarkesë prej rreth 283 kg kokainë në Angli ku i përfshirë është vëllai i viktimës, aktualisht në burg.
Pak muaj më parë, Gramoz (Dritan) Rexhepi tha nga burgu në Kuito të Ekuadorit se ai nuk ka asnjë lidhje me pengmarrjen e Prengës.
Gjitahshtu ai mohoi të ketë biseduar me Ndrek Prengën në lidhje me pengmarrjen e të vëllait.
/NOA.al