Transmetuar më 07-10-2020, 13:32
Gjykata e Apelit në Athinë, vendosi ditën e sotme që ta shpallë “Agimin e Artë”, organizatë kriminale.
Ky vendim erdhi pasi 15 pjesëtarë të “Agimit të Artë” u gjetën fajtor për vrasjen e këngëtarit Pavlos Fyssas.
Nëna e të ndjerit Maria Fyssas, shpërtheu në lot pas vendimit, pasi i akuzuari kryesor Giorgos Roupakias u gjet fajtor për të gjitha akuzat, nga vrasje me dashje tek armëmbajtje pa leje etj.
Ajo tha e përlotur “im bir është gjallë”, duke u shoqëruar me duartrokitje.
Si drejtues të organizatës kriminale u shpallën fajtor Nikos Michaloliakos, Elias Kasidiaris, Giannis Lagos, George Germenis, Elias Panagiotaros dhe Nikos Papas. /a.y/noa.al