Një aeroplan ushtarak ukrainas që mbante studentë të shkollës së aviacionit shpërtheu në flakë, duke vrarë të paktën 22 persona në bord. Shkaku i rrëzimit nuk dihet ende.

Avioni ushtarak ukrainas u rrëzua, ndërsa përpiqej të ulej në qytetin Chuhuiv.

Një aeroplanin ushtarak  që transportonte studentë të shkollës së aviacionit dhe shpërtheu në flakë në Ukrainën verilindore të Premten, vrau të paktën 22 persona në bord, por kërkimet vazhdojnë për të tjerë të humbur, thanë zyrtarët.

Ekipet e shpëtimit shkuan menjëherë në vendin e ngjarjes. Pilotë dhe kadetë të  forcave ajrore ishin në aeroplan, tha Ministria e Brendshme.

Të paktën dy persona u plagosën dhe u dërguan në spital në një gjendje të rëndë.

Kërkimet vazhdojnë për të tjerë, tha Zëvendës Ministri i Brendshëm Anton Gerashchenko.

Aeroplani, një Antonov 26, u rrëzua ndërsa u përpoq të ulej në aeroportin në Chuhuiv, rreth 400 kilometra (250 milje) në lindje të Kievit dhe 2 kilometra nga një aeroport ushtarak.

Presidenti ukrainas Volodymyr Zelensky tha se do të udhëtonte në rajon të shtunën.

/NOA.al