Transmetuar më 25-09-2020, 13:43

Ministrja e Shëndetësisë, Ogerta Manastirliu shprehet se urgjencat pediatrie do të jenë në shërbim 24 orë, dhe bën thirrje që të shmanget fluksi në QSUT “Nënë Tereza”.

Teksa inspektoi qendrën shëndetësore të Laprakës, një prej 4 qendrave shëndetësore të Tiranës që do të shërbejë 24 orë për urgjencat pediatrike, për të përballuar fluksin në sezonin e vjeshtë-dimrit, Manastirliu tha se duke filluar nga 1 tetori, katër qendra shëndetësore në Tiranë që do të ofrojnë, me ekipe të përforcuara, shërbim ditë-natë për përballimin e periudhës së vjeshtë-dimrit për urgjencat pediatrike.

“Me vendimin tonë për të garantuar shërbimin 24 orë pa ndërprerje afër vendbanimit, synojmë të shmanget fluksi në QSUT gjatë natës. Një apel për të gjithë prindërit, mos i dërgoni fëmijët direkt në QSUT, por drejtohuni pranë qendrave shëndetësore afër vendbanimit. Dhe është mjeku juaj pediatër që e vlerëson nëse ka nevojë për trajtim në QSUT. Duhet të shmangim sa më shumë flukset në QSUT, sidomos në këtë periudhë”, u shpreh Manastirliu.

Ministrja e Shëndetësisë bëri me dije se sistemi po organizohet për vaksinën e gripit, sipas një plani të detajuar.

“Po bëhen gati edhe për vaksinën e gripit, e cila këtë vit do të ketë shumëfishim të dozave krahasuar me vjet, për të siguruar mbrojtjen e fëmijëve por edhe të gjithë grupeve të rrezikuara”, tha Manastirliu.

Qendrat shëndetësore me shërbim 24 orë në 7 ditë të javës do të jenë me shërbim të përforcuar duke filluar nga data 1 tetor, përgjatë gjithë periudhës së vjeshtë-dimrit. Qendra shëndetësore nr. 6 në Kombinat, qendra shëndetësore nr. 7 në Laprakë, qendra shëndetësore nr. 8 pranë sheshit “Ëilson” dhe qendra shëndetësore nr. 10 në zonën e Oxhakut do të ofrojnë shërbim 24 orë për urgjencat pediatrike.

🏥 Ministrja Manastirliu në qendrën shëndetësore të Laprakës, ku po ofrohet shërbim shëndetësor 24 orë në 7 ditë të javës për urgjencat pediatrike

🏥 Në qendrën shëndetësore të Laprakës, ku po ofrohet shërbim shëndetësor 24 orë në 7 ditë të javës për urgjencat pediatrike, si në tre qendra të tjera në #Tiranë: Qendra shëndetësore Kombinat, qendra shëndetësore nr. 8 pranë sheshit Wilson dhe qendra shëndetësore nr. 10 në zonën e Oxhakut.👩🏻‍⚕️👨‍⚕️ 🩺 👶 Një thirrje për prindërit në këtë periudhë të vështirë të epidemisë: Shmangni fluksin në #QSUT, drejtohuni pranë qendrave shëndetësore, pasi shërbimi garantohet afër vendbanimit, nga mjekët pediatër, në kohë dhe me cilësi.🚨 #ShëndetësiaNëGatishmëri

Publiée par Ogerta Manastirliu sur Vendredi 25 septembre 2020