Tre raste infektimi me koronavirus janë zbuluar në Universitetin e Vlorës, në orët e fundit.
Nga tamponët e bërë në Universitetin “Ismail Qemali”, janë konfirmuar tre raste të prekur.
Kjo ka bërë që të mbyllen dy katet e para të godinës si dhe Rektorati.
Gjithashtu për të shmangur përhapjen e Covid-19, është mbyllur edhe departamenti i Biologjisë.
Nuk bëhet me dije se kush janë të infektuarit në Universitet, ndërkohë që masat për mbylljen u morën, për të mos përhapur zinxhirin e infektimit.
Pasditen e djeshme, Ministria e Shëndetësisë deklaroi se aktualisht në spitalin Infektiv dhe “Shefqet Ndroqi” po trajtohen 185 pacientë, 15 në terapi intensive, nga të cilët 6 pacientë janë të intubuar.
Sakaq deri më tani numri i viktimave ka shkuar në 362, ndërsa i rasteve totale të të prekurve zyrtarisht konfirmohet në 12385. /a.y/noa.al