Transmetuar më 20-09-2020, 19:52

LSI ka ndezur motorët e fushatës, disa muaj para zgjedhjeve.

Kryetarja e LSI-së, Monika Kryemadhi është shprehur se vendi ka më shumë nevojë për më shumë gra, në politikë, si dhe qeverisje.

Kryemadhi publikoi fotot e takimit të sotëm që nënkryetarja e LSI-së, Erisa Xhixho, zhvilloi me gratë e njësisë numër 1 në zonën e Ali Demit.

“Ne kemi nevojë për më shumë gra në politikë dhe qeverisje”, tha kryetarja e LSI.

“Ato gra do ta përmirësojnë Shqipërinë, për t’a kthyer në një vend ku të gjithë ndihen si në shtëpinë e tyre”, shkruan Kryemadhi, duke mbetur optimiste për të marrë rezultatin e duhur pas zgjedhjeve të 25 prillit 2021.

/NOA.al