Pas vrasjes së ndodhur mbrëmjen e të martës në rrugën “Apollonia”, në zonën e Bathores, policia prangosir sot autorin e dyshuar të ngjarjes.
Është vënë në pranga, në një lagje të Lushnjës 31-vjeçari, Agron Tanushi.
Ai dyshohet se pas një sherri qëlloi për vdekje shtetasen Jetmira Hasani, në prani të vajzës së saj, 8-vjeçe.
Kjo e fundit ishte e ndarë nga bashkëshorti prej disa kohësh, por jetonte pas divorcit në pjesën tjetër të banesës, që i ishte caktuar nga gjykata.
Gruaja jetonte në katin e dytë të shtëpisë së tyre, kurse ish-bashkëshorti ndodhej në Greqi.
Hasani kishte urdhër mbrojtje nga ish-kunati i saj, Agron Tanushi, para se të vritej.
Ky i fundit pas një debati që lindi për mbeturinat, pasi i dyshuari i kërkoi llogari pse i kishte hedhur nga kati i dytë, e qëlloi më pas ish-kunatën e tij me armë zjarri.
Motivi besohet se kanë qenë konfliktet mbi pronësinë.
Më pas 31-vjeçari u largua nga vendngjarja pas krimit dhe është arrestuar paradite e sotme.
/NOA.al