Moderatorja e njohur: Kam dështuar me sukses si bashkëshorte, por jam një mami shumë e mirë
Transmetuar më 15-09-2020, 22:42

Në emisionin  ‘ABC e Pasdites’ në ABC News, me moderatorin Ermal Peçin u diskutua këtë të martë, mbi mamatë e ekranit dhe raportet e tyre me fëmijët.

Moderatorja Dajana Shabani gjatë bisedës në studio me Ermalin, është shprehur se mundësitë për t’u martuar janë zero pasi është një bashkëshorte jo e mirë.

“Nuk e dija që do kisha kaq suksesi si mami, ta dija isha bërë  20 vjeç. Ish-bashkëshorti im priste që kur të bëhesha unë mami të rrënohesha psikologjikisht, fizikisht. Nuk e dija që isha kaq super mami.

Dhe seriozisht nuk më pëlqen që t’ja bëj qejfin vetes, por jam një mami e fiksuar! Kam dështuar me sukses si bashkëshorte, por jam një mami shumë e mirë. Për këtë jam shumë krenare”.

E pyetur gjatë lojrave të programit rreth dëshirës për një fëmijë të dytë, prerazi i tha Ermalit se nuk përzien familjet, apo fëmijë nga martesa të ndryshme.

Vendimin, duket se ajo e ka marrë, nuk do të këtë një martesë të dytë apo një fëmijë të dytë.