Koronavirusi/ Ulet numri i rasteve ditore në Kosovë, problem vdekshmëria e pacientëve
Transmetuar më 07-09-2020, 15:39

Numri i rasteve ditore të të infektuarve me koronavirus është ulur në Kosovë, të paktën në 24 orët e fundit.

Nga raportimet e ditës së sotme bëhet e ditur se janë konfirmuar 85 raste të reja, nga 432 testime për të dyshuar me koronavirus.

Problem mbetet vdekshmëria në radhët e pacientëve.

Në 24 orë e kanë humbur betejën pesë persona.

Numri total i rasteve pozitive është 14 mijë e 204, ndërsa 568 të prekur kënë humbur jetën që prej fillimit të epidemisë. /k.k/noa.al/

97 TË SHËRUAR DHE 85 RASTE ME COVID-19!

Gjatë 24 orëve të fundit, në Laboratorin e Mikrobiologjisë Molekulare në IKShPK me metodën RT-PCR, janë testuar gjithsej 432 mostra të marra nga ShSKUK dhe gjurmimi i kontakteve të rasteve në terren, prej të cilëve rezultojnë 85 raste pozitive. Brenda 24 orëve janë raportuar 5 raste të vdekjes me SARS CoV-2 pozitiv.

Numri total i rasteve pozitive është 14.204 raste nga 54.443 persona të dyshimtë në virusin SARS-CoV-2 dhe 568 raste të vdekjes.

Gjatë 24 orëve të fundit, janë shëruar 97 pacientë derisa numri i përgjithshëm i të shëruarve deri më sot është gjithsej 10.643 raste, kurse numri i rasteve aktive është 2.993.

Rastet pozitive janë nga: komuna Prishtinë 15 raste, komuna Gjilan 9 raste, komuna Podujevë 7 raste, komuna Gjakovë 6 raste, komuna Kamenicë 5 raste, komuna Pejë 5 raste, komuna Viti 5 raste, komuna Deçan 4 raste, komuna Fushë Kosovë 4 raste, komuna Lipjan 4 raste, komuna Prizren 4 raste, komuna Istog 3 raste, komuna Drenas 2 raste, komuna Kaçanik 2 raste, komuna Klinë 2 raste, komuna Malishevë 2 raste, komuna Vushtrri 2 raste dhe me nga një rast komunat Dragash, Mitrovicë, Skenderaj dhe Suharekë.