Një grua shtatzënë është arrestuar në shtëpinë e saj për shkak të një postimi në Facebook që pretendohet se ka nxitur protestë kundër izolimit në Victoria.

Zoe Buhler, 28, u prangos në dhomën e saj para fëmijëve dhe partnerit, teksa u akuzua për nxitje paniku.

Disa oficerë hynë në shtëpinë në Miners Rest, Ballarat, në veriperëndim të Melburnit, Australi, pas një urdhër kërkimi dhe filluan t’i lexonin nënës së re akuzat, para se t’i vinin prangat.

"Më falni, nxitje për çfarë? Unë jam me pizhame, dy fëmijët e mi janë këtu," – tha ajo, e hutuar.

"Unë kam edhe terapinë brenda një ore, sepse jam shtatzënë".

Postimi i pretenduar  i zonjës Buhler lidhej me një postim të fshirë në Facebook nga festa e "Lirisë" teksa ajo bëri thirrje që njerëzit të të shkonin masivisht kundër masave Covid.

‘Kushdo nga Ballarat ju lutem bashkohuni me ne në luftën tonë për liri dhe të drejtat e njeriut!" shkroi ajo në lidhje me ngjarjen.

Nëna gjithnjë e më e dëshpëruar këmbënguli se nuk po shkelte asnjë ligj, pse kishte bërë thirrje për të protestuar.

Gruaja shtatzënë u arrestua për organizimin e protestës kundër masave të izolimit, të rikthyera në zonë pas një shpërthimi të fundit.

"Po ju arrestojmë në lidhje me nxitjen,’  – i tha policia.

Zonja Buhler e fshiu postimin ndërsa i dashuri i saj James Timmins u përpoq të ndërmjetësonte ndërsa mbante në krahë fëmijën e tyre të mitur.

"Nuk është se ajo e ka bërë protestë, ajo bëri një postim,’- tha ai.

Policia ishte e palëkundur, duke i thënë asaj: Ju tashmë e keni kryer veprën penale.

Miqtë dhe familja e saj u tmerruan kur mësuan për arrestimin e saj për vetëm një postimi në Facebook.

"Kjo është absolutisht e neveritshme !! Pse nuk e bëjnë punën e tyre dhe kapin disa kriminelë të vërtetë. Kjo frikë që krijohet është qesharake," – tha një mik i saj.

"Kjo nuk mund të jetë e ligjshme," – shtoi një tjetër.

/NOA.al