Një ngjarje horror vjen nga Brazili ku një grua shtatzënë është vrarë nga mikesha e saj, e cila më pas i ka nxjerrë fëmijën nga barku.
24-vjeçarja Flavia Godinho Mafra, ishte 36 javë shtatzënë kur u vra në qytetin e Canelinha, në jug të Brazilit.
Tmerrues është fakti se krimin e rëndë e kreu shoqja e saj e fëmijërisë e cila e ftoi në një festë dhe më pas e goditi me tullë.
Mikesha e saj ishte bërë e fiksuar për të vjedhur një fëmijë pasi kaloi një shtatzani të dështuar në fillim të vitit, tha policia.
Detektivi i çështjes Paulo Alexandre Freyesleben konfirmoi se shkaku i vdekjes ishin plagët e shkaktuara nga tulla dhe prerja e thellë në bark.
Trupi u gjet nga bashkëshorti i viktimës dhe nëna e saj mëngjesin e të premtes. Ajo ishte hedhur në një punishte të braktisur në zonën Galera, ndërsa bebja mungonte.
Bebja ishte dërguar në spital, për fat në gjendje të mirë, ndërsa gruaja dhe bashkëshorti i saj u arrestuan nga policia. /k.k/noa.al/