Ministrja e Mbrojtjes Olta Xhaçka ishte në Kakavijë për të parë nga afër situatën me të cilën emigrantët shqiptarë kanë dy ditë që përballen.

Ajo tha se është e domosdoshme që qytetarët të ndihmohen dhe të mos rrezikohen në këtë kohë epidemie.

Nga pala greke kërkoi që orari i punës të zgjatet përtej orës 22:00.

“Gjendemi këtu në Kakavijë dhe po marrim masa që kjo radhë të shkurtohet sa më shpejt të jetë e mundur. Duhet t’ju vijmë në ndihmë qytetarëve.

Duhet që qytetarët të mos rrezikohen më tej me këtë kohë pandemie. Orari i punës të zgjatet përtej orës 22.00”, tha Xhaçka.

Ndërkohë në orët e pasdites u vu re një përmirësim i situatës në pikën e kalimit kufitar të Kakavijës.

Prej orës 14:00 deri në orën 18:00 kanë kaluar 1 mijë e 300 emigrantë. /k.k/noa.al/