Velje, klubi që siguroi rikthimin në elitë dhe sezonin e ardhshëm do të garojë në Superligën e Danimarkës, i është nënshtruar mëngjesin e sotëm testeve mjekësore.

Në këtë skuadër aktivizohen Ylber Ramadani dhe Arbnor Muçolli.

Por ky i fundit (20-vjeçari i talentuar është pjesë e Shqipërisë U-21 dhe autor i 7 golave në sezonin e fundit me Velje) është i dëmtuar dhe nuk ka kryer tamponin.

Ramadani, mesfushori nga Ferizaj, i cili numëron 7 ndeshje dhe një gol të shënuar me kombëtaren kuqezi, ka rezultuar negativ ashtu si të gjithë pjesëtarët e tjerë të klubit nordik.