Një ngjarje tragjike është shënuar mëngjesin e sotëm në spitalin Covid-2, i njohur ndryshe si ish-Sanatoriumi apo “Shefqet Ndroqi”, ku një pacient i ka dhënë fund jetës tragjikisht.
Nga të dhënat paraprake bëhet me dije se rreth orës 04:30 të mëngjesit, dyshohet se është vetëhedhur nga kati i tretë i spitalit Xh.K., 29 vjeç.
I riu si pasojë e dëmtimeve të marra ka ndërruar jetë.
Dyshohet se akti tragjik është kryer në gjendje të rënduar psikologjike, teksa 29-vjeçari prej ditësh trajtohej në spital prej koronavirusit.
Lidhur me ngjarjen grupi hetimor dhe shërbimet e policisë vijojnë punën për zbardhjen e plotë të rrethanave të ngjarjes.
Ministria e Shëndetësisë tha pasditen e djeshme se aktualisht në spitalin Infektiv dhe “Shefqet Ndroqi” po trajtohen 116 pacientë të konfirmuar pozitivë me Covid-19, 20 pacientë janë në terapi intensive, 4 prej të cilëve të intubuar./a.y/noa.al