Zbardhet plagosja e ndodhur mbrëmjen e së dielës në Larushk të Fushë Krujës, ku u sulmuan me thikë babë e bir.
Si të dyshuar për ngjarjen, në sajë të hetimeve intensive, rrethimit dhe krehjes së zonës, uniformat blu bënë të mundur kapjen dhe shoqërimin e të dyshuarit.
Bëhet fjalë për Ermir Hasa, 35 vjeç, i cili më rreth orës 21:00 të mbrëmjes, në afërsi të vendit të quajtur Ura e Gjolës, pas një konflikti të çastit ka goditur me thikë, babë e bir Shefqet Stafuka 58 vjeç, dhe Alban Stafuka 30 vjeç, të cilët ndodhen në spital nën kujdesin e mjekëve.
Hasa, pasi plagosi babë e bir u largua me biçikletë, por u kap gjatë ndjekjes nga Policia.
Në cilësinë e provës materiale u sekuestrua thika dhe biçikleta me të cilën autori u largua.
Lidhur me këtë ngjarje hetimet janë në vijim, ndërkohë që materialet iu referuan Prokurorisë së Krujës, për veprime të mëtejshme. /a.y/noa.al
Fushë Krujë, plagosen me thikë babë e bir/Emrat
Babë e bir u plagosën pasi dolën nga shtëpia e të afërmit, djali sapo ishte kthyer nga Spanja