Ngjarje e rëndë në Durrës, vetëvritet 57-vjeçari në polici ndërsa familja merrej në pyetje
Transmetuar më 02-08-2020, 10:22

Vetëvaret pas shoqërimit në komisariatin policor një person në në Durrës, familja e tij ishte duke u marrë në pyetje.

SHÇBA tha se po procedon 2 punonjës policie për shpërdorim detyre, pasi një i shoqëruar për dhunë në familje u vetëvar në paraburgim.

Gjitçka ndodhi dje në datën 1 gusht, në mbrëmje, në ambientet e dhomave të shoqërimit të DVP Durrës, kur nga personeli policor u gjend i vetëvarur shtetasi Tonin Tuci, i cili ishte shoqëruar për rreth 3 orë nga policia, si i dyshuar për veprën penale “Dhunë në familje”.

Familjarët kishin denoncuar dhunën e 52-vjeçarit, nëpërmjet një telefonate në numrin 112 dhe policia kishte ndërhyrë.

Nga hetimet paraprake të SHÇBA, rezulton se viktima ka qenë nën efektin e pijeve alkoolike dhe akti është kryer në kohën kur familjarët e tij po shpjegonin në Polici, rrethanat e ngjarjes për dhunën në familje.

Nën drejtimin e Prokurorisë së Rrethit Gjyqësor Durrës, të pranishëm në vendngjarje dhe veprime proceduriale, vazhdojnë të kryhen hetime  për të zbardhur të gjitha rrethanat dhe zbatimin e procedurave standarte nga punonjësit e policisë.

Për punonjësit e policisë:

– A.Ç., në funksionin e ndihmës specialistit në Zyrën e Informacionit në DVP Durrës;

– G.B. me detyrë Specialist i Policimit në Zonë, si dhe struktura policore, të cilat sipas funksionit organik dhe procedurave standarde ngarkohen me përgjegjësi të veprimeve konkrete që lidhen me menaxhimin e kësaj situate po kryhen hetime për veprën penale të “Shpërdorimit të detyrës”.

Ndërkohë Drejtoria e Standardeve Profesionale në Drejtorinë e Përgjithshme të Policisë së Shtetit menjëherë ka nisur hetimin disiplinor për të nxjerrë përgjegjësitë në zbatimin e procedurave standarde. /noa.al/

Loading...