Parashikoi 600 raste në ditë me koronavirus, Brataj: Doktor kthjellohuni meqë keni gjashtë muaj që po punoni në TV si kritik COVIDIAN
Transmetuar më 14-07-2020, 16:37

Shefi i Urgjencës Kombëtare Skëndër Brataj ka replikuar përmes rrjeteve sociale me ekspertin e Shëndetit Publik, Erion Dasho.

Reagimi i tij vjen pasi Dasho, në një postim në Facebook, duke iu referuar rritjes rekord të shifrave të të infektuarve në Shqipëri, tha se kjo nuk është pasqyra reale e epidemisë.

Mjeku parashikon se mund të arrihet që vendi të përballet me rreth 600 raste të reja në ditë. Kjo do e çonte në limitet e asaj çka mund të përballojë, sistemin shëndetësor.

Me një shënim të gjatë, përtej ironive që Brataj ka në përgjigjen e tij për mjekun, ndër të tjera, kreu i Urgjencës Kombëtare tregon edhe si funksionin përzgjedhja e qytetarëve për të bërë tamponin.

“Në këtë periudhë njerëzit kërkojnë tamponin kur kanë shenja dhe simptoma, por një pjesë e madhe e kërkojnë për të hequr merakun se kanë qenë ose kanë dëgjuar që një i njohuri i tyre ka dalë pozitiv. Nuk e vendos 127 kujt i bëhet tamponi, nuk vjen 127 të bëjë tamponin, ajo bën skedën e pacientëve që kanë shenja dhe simptoma dhe që mendohet se duhet tju bëhet tamponi, ashtu siç bën mjeku i familjes ose mjeku i urgjencës. Të tre ia referojnë epidemiologëve të cilët vendosin kujt do t’ia bëjnë tamponin”.

Postimi i plotë i Skënder Brataj:

I nderuar Dr. Erion Dasho

Shtrembërimi i komunikimit nuk i vlen askujt, sidomos kur flasim ne mjekët është akoma më keq, sidomos kur bëhet në këtë situatë kritike krijohet akoma më shumë konfuzion. Kur ju kam njohur në vitin 2014 ju ishit drejtor i telemjekësisë dhe me thënë të drejtën nuk e dija që ishit mjek. Pastaj mësova që ishit mjek, por prapë nuk e dija që ishit epidemiolog, tani në periudhën kovidiane e zbulova! Meqenëse keni filluar punë në televezione këto gjashtë muajt e fundit si kritik COVIDIAN, nuk e di si e bëni specialistin e epidemiologjisë në Gjermani, kjo është puna juaj, por ndofta meqenëse në Gjermani shkojnë punët mirë besoj ju kanë dërguar të mbikëqyrni Shqipërinë dhe mirë kanë bërë! Ajo që kam vënë re është se objektivi juaj është komiteti i ekspertëve, të cilët janë kolegët tuaj!

Deri tani nuk keni qenë asnjëherë dakort me asnjë vendim të tij ose punën e kryer, për ju asnjë ekspert i këtij komiteti nuk meriton. Ju e keni filluar me mjeket dhe mjekët ekspertë të komitetit një betejë pa pikë referimi dhe tani mbërritët tek unë, duke marë fraza që të interesojnë nga intervistat dhe duke bërë interpretimin që dëshiron, duke anashkaluar problemet e tjera, ato më të rëndësishmet. Ju jeni 24 orë në pritje të intervistave të çdo anëtari të komitetit (disa prej tyre kanë qenë profesorët tuaj), por tani si duket ju keni vërtetuar shprehjen popullore se “nxënësi bëhet më i mirë se mësuesi”, ishallah qoftë e vërtetë! Ju çdo ditë jeni aty në pritje të një copëze komunikimi që mund të interpretohet në dy mënyra, asaj që thuhet realisht dhe asaj tuajës( kuptohet që është e vetmja e saktë)! Ose ndoshta lexoni vetëm titullin e lajmit pa hyrë në brendësi, normal mund të ndodhë! Në daljen time nuk kam hequr asnjëherë dobishmërinë e tamponit, kam konfirmuar dhe konfirmoj që ka një përqindje shumë të madhe fals negative tamponi, sidomos te asimptomatikët. Kam thënë që ideale për bërjen e tamponit është kur ke shenja dhe simptoma, jo të mos bëhet tamponi ose tamponi ësht ë i pa dobishëm!

Në këtë periudhë njerëzit kërkojnë tamponin kur kanë shenja dhe simptoma, por një pjesë e madhe e kërkojnë për të hequr merakun se kanë qenë ose kanë dëgjuar që një i njohuri i tyre ka dalë pozitiv. Nuk e vendos 127 kujt i bëhet tamponi, nuk vjen 127 të bëjë tamponin, ajo bën skedën e pacientëve që kanë shenja dhe simptoma dhe që mendohet se duhet t’u bëhet tamponi, ashtu siç bën mjeku i familjes ose mjeku i urgjencës. Të tre ia referojnë epidemiologëve të cilët vendosin kujt do t’ia bëjnë tamponin.

Kritika është konstruktive kur kërkohet të përmirësohet puna, kur kërkohet të shpëtohen sa më shumë njerëz, kur kërkohet të informohen njerëzit sa më shumë, sa më qartë me këshilla.

Besoj se në këtë koment me titull me gërma të mëdha vetëm keni krijuar më shumë konfusion te qytetarët.

Në fakt e keni bërë disa herë që nga fillimi i epidemisë në Shqipëri kur keni thënë se, nuk ka strategji, nuk ka protokolle, nuk ka trajnim!

I nderuar doktor të paktën dy nga këto tre akuza që ngrini ju, mendoj se duhet t’ja kërkoni vetes tuaj!

Më rezulton se ju për llogari të OBSH në muajt e parë të këtij viti, e cila ju ka paguar (besoj shumë mirë) keni bërë trajnimin e mjekëve të familjes online në bazë të protokolleve!!! Ndërkohë dilni e thoni që nuk janë trajnuar mjekët dhe nuk kanë protokolle.

Doktor kthjellohuni!!

Tani për t’iu sqaruar edhe njëhe ju këshilloj të shikoni linkun e mëposhtëm që përputhet me çfarë doja të përcillja në intervistën time. Mbas linkut është shpjeguar gjendja e Shqipërisë!

Në Shqipëri çfarë po ndodh në këtë moment:

Janë bërë 28.883 teste (tamponë) nga të cilët 3571 kanë dalë të infektuar me COVID-19.

Bazuar të dhënave epidemiologjike të deri tanishme në gjithë botën le të shikojmë gjendjen në vendin tonë për të kuptuar më qartë rrezikun e një FALS NEGATIVI!

13.07.2020 kemi:

Numri i të vdekurve = 95

Vdekshmëria= 2.66%

Totali i të infektuarve=3.571

3.571 përbën 70% të besueshmërisë së tamponit.

Fals Negativ (30% e numrit të infektuarve 3.571) është 1.125 persona me COVID-19 në tamponin e parë!

Fals Negativ (30% e 1.125) është 337 persona me COVID-19 në tamponin e dytë!

Mendoni 1.125 ose idealisht 337 persona të infektuar lëvizin të lirë, të bindur që nuk janë të infektuar me COVID-19?

Pra, ajo që dua të them është që tamponi sot ësht ë metoda e vetm ë diagnostikuese por me përqindjet e gabimit të sipërpërmendur, nuk na jep sigurinë e kontrollit të përhapjes së infeksionit dhe nuk ndryshon as prognozën dhe as rezulatin final të sëmundjes!

Ajo që kam thënë, them dhe do të vazhdoj ta them është:

Nësë ke shenja dhe simptoma

Nëse ke një familjar të konfirmuar me COVID-19

Nëse ke pasur kontakt me persona të infektuar dhe nuk ke shenja dhe simptoma

Nëse e kuptove rrezikun e shpërndarjes së virusit edhe pas tamponit fals negativ

KONSIDEROJE VETEN TË INFEKTUAR DHE SILLU SI I TILLË!

UNË DO VAZHDOJ T’JU LUTEM SI QYTETAR, SI EKSPERT DHE MBI T Ë GJITHA SI MJEK, MOS SHKAKTONI MË KONFUZION!!

Koronavirusi ekziston

Koronavirusi infekton

Koronavirusi sëmur

Koronavirusi mer jetë

JU LUTEM

Mbaj maskën në ambientet e mbyllura

Mbaj distancën 1.5 metër

Zbato rregullat e higjenës

Mos lejo të tjerët ti shkelin këto rregulla

Mos shkakto konfuzion

P.S. Dr.Erioni siç e shikoni thëniet tuaja dhe ironia e përdorur dëmtojnë shëndetin e qytetarëve shqiptarë, duke pasur parasysh që jeni epidemiolog dhe këto marzhe gabimi i dini shumë mirë, ashtu siç dini dëmin që sjell konfuzioni i shkaktuar nga statusi juaj.

Erion Dasho, doktor, i ke ndjekur në televizion deklaratat si të personave politike dhe te atyre teknike apo je duke shijuar javet e para te pensionit?!

Para disa ditesh ishte ministrja ajo qe hodhi dyshime mbi vleren e testeve.

Dje ishte nje anëtar i komitetit qe beri te njejten gje.

Te dy prononcimet jane ne YouTube dhe mund t’i verifikosh.

Kur të pjell me virusë të pasjellshëm, të pjell…

do t’a ketë bërë Mehmeti me kokën e vet…

Me zbulimin se testet për COVID nuk vlejnë, komiteti shqiptar mund të iluminojë mbarë botën…

/NOA.al

Loading...