Jo gjysmë shekulli, por edhe tre vite më shumë kishin bashkë mbi supe. Një jetë e tërë që të dy dhe fundi i tyre ishte po i tillë.
E pra, fati ishte i shkruar për Betty dhe Curtis Tarpley nga SHBA, të cilët ishin të destinuar të ndërronin jetë për shkak të COVID-19.
Betty dhe Curtis, ishin njohur që në shkollë të mesme dhe nga fryti i dashurisë së tyre erdhën në jetë dy fëmijë. Sipas djalit të çiftit, Tim, të moshuarit edhe në çastet e fundit të jetës janë parë duke mbajtur duart e njëri-tjetrit.
Betty ishte shtruar në spital më 9 qershor, ndërsa Curtis dy ditë më vonë. Tim shtoi më tej se prindërit e tij ndërruan jetë që të dy, brenda një ore.
“Mendoj që babai ka luftuar shumë për t’i dhënë forcë mamit. Por kur e pa që ajo po i shteronte energjitë e saj dhe ai u duk se u dorëzua. Vendimi më i mirë që bëri spitali ishte që lejoi prindërit të ishin bashkë dhe në çastet e fundit të jetës”, u shpreh Tim.