Presidenti i Republikës, Ilir Meta e konsideroi një një ngjarje historike për të gjithë shqiptarët  rikthimin e Familjes Mbretërore shqiptare në Atdhe, 18 vite më parë.

"Pas mbi 6 dekada mërgimi të detyruar", kjo tha Meta, "është një ngjarje historike për të gjithë shqiptarët."

"Edhe pse me vonesë ishte një akt pajtimi dhe rivlerësimi për kontributin e pamohueshem të Mbretit të shqiptarëve, Ahmet Zogut për krijimin dhe funksionimin e shtetit shqiptar modern", shtoi në reagimin e tij në Facebook kreu i shtetit, duke e shoqëruar edhe më nje video që bëri publike, ku shfaqej momenti i zbritjes për herë të parë në aeroportin e Tiranës të Familjes Mbretërore, në fillim të viteve ’90.

"Aq më tepër kur këtë vit festuam 100-vjetorin e Kongresit të Lushnjes ku roli i Tij ka qenë madhor, jo vetëm per realizimin e tij por edhe zbatimin e vendimeve të këtij Kongresi", u shpreh më tej Meta.

"Në këtë ditë të shënuar një mirënjohje e veçantë i takon Mbretëreshës Geraldinë e cila në një moshë shumë të re vendosi të bëhej shqiptare dhe i qëndroi besnike përgjithmonë Atdheut që zgjodhi edhe kur ai i ktheu shpinën".

"Ajo mbetet një shembull i sakrificës, i vetëmohimit, i dashurisë njerëzore dhe familjare, i faljes dhe tolerancës, por mbi të gjitha i besnikërisë pa kushte ndaj Atdheut", ka qenë reagimi i Presidentit Ilir Meta lidhur me këtë ngjarje. /NOA.al