Transmetuar më 17-06-2020, 00:46

Pronar i një bar-kafeje ka rezultuar pozitiv me koronavirùs ndërsa e ka bërë publik vetë rastin për të sensibilizuar qytetarët si dhe ndërgjegjësuar ata që mund të ketë pasur kontakte.

Dekorim Sahiti, i cili ka në pronësi një bar-kafe në “rrugën B” në Prishtinë, e ka konfirmuar lajmin nëpërmjet një statusi në profilin e tij në Facebook. Megjithëse ka patur kontakte me stafin e tij, ai ka shtuar se asnjëri prej punonjësve nuk është prekur nga virusi.

“Të nderuar miq. Si rezultat i testimit nga gjurmimi i kontaktit, une sot kam rezultuar pozitiv me Covid-19. Pas heqjes se masave restriktive, ndoshta ka qene e pritshme per shkak te natyres se punes sime qe te vihem ne kontakt me virusin. Menjehere, une jam vetëizoluar dhe jam ne gjendje te mire shendetesore.

Aq sa jam shqetesuar per kete lajm aspak te mire, me shume me shqetesoi fakti se shume shpejt jane perhapur dezinformata dhe te paverteta ne lidhje me restorantin Momo, pronar i te cilit jam une. Ju njoftoj se vetem une kam rezultuar pozitiv me Covid-19 dhe jo stafi i restaurantit Momo.

Çfarëdo informate tjeter eshte e pavertete dhe dashakeqe! Une nuk kam pasur kontakt te afert me stafin, por tashme besoj se IKSHP do t’i testojë ata, njejte si edhe kontaktet e mia te tjera. Momo eshte dezinfektuar 2 here gjate diteve te kaluara dhe do te dezinfektohet prape sonte. Ne cdo kohe, stafi eshte i pajisur me mjete mbrojtese, maska, doreza dhe dezinfektues.

Keshtu do te vazhdoje edhe me tutje, gjithmone sipas rekomandimeve te eksperteve dhe te IKSHP-se. Shpresoj shume se numri i te prekurve nga Covid-19 do te zvogelohet ne ditet ne vijim dhe se do ta kalojme kete pandemi sa me lehte qe eshte e mundur. Deri atehere, ju uroj juve dhe te dashurve tuaj shendet dhe siguri. Kujdes po, panik jo!”, shkruan Sahiti.